ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

មន្ត្រីជំនាញថាទោះបីមានកិច្ចព្រមព្រៀងពាណិជ្ជកម្មសេរីតែមិនមែនមានន័យថាអាចនាំចេញស្រួលទេ

  • ចុះផ្សាយថ្ងៃទី១៨ ខែមីនា ឆ្នាំ២០២២ ម៉ោង ១១:៤៤ នាទី ដោយ Moeun Chamrong Ridhisidh
  • 1797
  Aa |   aA

ភ្នំពេញ៖ អគ្គនាយកនៃអគ្គនាយកដ្ឋានកសិកម្ម របស់ក្រសួងកសិកម្ម លោក ងិន ឆាយ បានឱ្យដឹងថាដើម្បីបង្ករភាពងាយស្រួលក្នុងការនាំចេញផលិតផលកសិកម្មកម្ពុជាទៅទីផ្សារអន្តរជាតិបាន លុះត្រាតែបំពេញកត្តា៤យ៉ាង ដូចជាធ្វើយ៉ាងណាផលិតផលមានគុណភាពល្អ មានស្តង់ដាភូតគាមអនាម័យ ថ្លៃដើមទាប ហើយការដឹកជញ្ជូនមានលក្ខណៈប្រកួតប្រជែង។

នៅក្នុងសន្និសីទសារព័ត៌មានស្តីពីលក្ខខណ្ឌគុណភាពឆ្លើយតប និងការនាំចេញកសិផល ទាក់ទងនឹងកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ និងចិន នៅថ្ងៃទី១៨ ខែមីនា ឆ្នាំ២០២២ លោក ងិន ឆាយ បានបញ្ជាក់ថា ទោះបីជាកម្ពុជាមានកិច្ចព្រមព្រៀងពាណិជ្ជកម្មសេរីក៏ពិតមែន ប៉ុន្តែមិនមែនបានន័យថាសុទ្ធតែនាំចេញស្រួលៗទេ ត្រូវតែបំពេញលក្ខខណ្ឌបច្ចេកទេស និងភូតគាមអាណាម័យ ហើយតម្រូវតាមលក្ខខណ្ឌបច្ចេកទេស និងភូតគាមអានាម័យ ដែលត្រូវធ្វើការងារច្រើនដើម្បីសម្រេចបានការនាំចេញ។

លោកបានបន្តថា កិច្ចព្រមព្រៀងពាណិជ្ជកម្មសេរី (FTAs) អនុញ្ញាតឱ្យមានការធ្វើពាណិជ្ជកម្មដោយសេរីលើទីផ្សារផលិតផលកសិកម្មដោយជាប់របាំងពន្ធគយក្នុងកម្រិតទាបជាងមុន ឬពុំជាប់របាំងពន្ធគយទាំងស្រុង។

លោកថា៖ «ដើម្បីទាញយកផលប្រយោជន៍ឱ្យបានជាអតិបរមាពីកិច្ចព្រមព្រៀងពាណិជ្ជកម្មសេរី គ្រប់ភាគីពាក់ព័ន្ធចាំបាច់ត្រូវតែចូលរួមដោះស្រាយលើបញ្ហាប្រឈមពាក់ព័ន្ធដូចជា កិច្ចសម្រួលពាណិជ្ជកម្ម ការត្រួតពិនិត្យ តាមដាននិងវាយតម្លៃ ការផ្តល់ព័ត៌មានគ្រប់គ្រាន់អំពីទីផ្សារ សមត្ថភាពផលិតតាមស្តង់ដារ ជាពិសេសស្តង់ដារអនាម័យនិងភូតគាមអនាម័យ សុវត្ថិភាពចំណីអាហារ របាំងបច្ចេកទេសលើពាណិជ្ជកម្ម ប្រកបដោយភាពប្រកួតប្រជែង និងបំពេញបាននូវលក្ខខណ្ឌតម្រូវក្នុងការនាំចេញ»។

បើតាមលោក ងិន ឆាយ គោលដៅបំពេញលក្ខខណ្ឌតម្រូវអនាម័យនិងភូតគាមអនាម័យ ចាំបាច់ត្រូវធ្វើការអភិវឌ្ឍប្រព័ន្ធផលិតកម្មកសិកម្មប្រកបដោយប្រសិទ្ធភាព ដោយឈរលើការអភិវឌ្ឍខ្សែច្រវាក់តម្លៃកសិកម្មរួមមាន តម្លៃជាអាទិភាព ពង្រឹងកិច្ចសម្របសម្រួល និងកិច្ចអន្តរាគមន៍ប្រទាក់ក្រឡា ឬបំពេញបន្ថែមឱ្យគ្នានៃក្រសួង-ស្ថាប័នជាតិពាក់ព័ន្ធ និង ពង្រឹងភាពជាដៃគូរវាង រដ្ឋ ឯកជន សហគមអ្នកផលិត និងដៃគូអភិវឌ្ឍ។

គួរបញ្ជាក់ផងដែរថា ការនាំចេញកសិផលក្នុងឆ្នាំ២០២១ ផ្អែកលើប្រព័ន្ធទិន្នន័យភូតគាមអនាម័យជាតិ មានបរិមាណសរុប ៧,៩៨លានតោន ទៅកាន់ទិសដៅ ៦៨ប្រទេស កើនឡើង ៣,១១លានតោន ស្មើនឹង ៦៣,៨៣% បើធៀបនឹង រយៈពេលដូចគ្នាក្នុងឆ្នាំ២០២០ ដែលទទួលបានត្រឹមតែ ៤,៨៧លានតោន៕

PHOTO: EAC NEWS

ព័ត៌មានជាច្រើនទៀតសម្រាប់អ្នក